مقادير وطريقة تحضير 3البيضات كاس و نصف دالعنبة سنيدة نصف كاس و شوية دالعنبة زيت خمارة الحلوة معلقة صغيرة رابعة اي 250غ كوكو مطحون مرة وحدة يعني غير تهرسوه شوية 125غ كاوكاو مطحون بقشرته اولا كنخدموا البيض و السكر و الزيت مزيان حتى منحسوشي بسنيدة بين يدينا نضيفوا الكوك كامل و الخميرة و نخلطوا مزيان ونبداو نضيفو فالكاوكاو معلقة بمعلقة حتى تجمع العجين و لكن كتبقى تلصق فالايد للامانة وعلى حسب الكوك واش جديد و ميدم مرات كنكمل الكاوكاو كله و مرات كنقص منه يمكن 3او 4دالمعالق هدا لاش كنصحكم تزيدو معلقة معلقة و غتحصلو على عجينة فحال غريبة السميدة كتبللوا يديكوم بماء الزهر و تشكلو غريبة صغيرة و تفندوها من جهة وحدة فالسكر غبرة و ستفوها مباعدة فصينية مدهونة وكيف كل الغريبات البلديين كنعملوها ففرن ساخن العافية لفوق لدقيقة او زوج غير تبدا التشقق شعلوا العافية لتحت وطفيو الفوق غير تتحمر خرجوها خليوها تدفا عاد حيدوها من الصينية حيت كتكون رطبة و هشييشة و كتطلع معلكة وبصحتكوم و راحتكوم



via احدث الالعاب على Lala Fatima مجلة لالة فاطمة مجلة المرأة المغربية ومغاربية